طرد المصابين اصابة عمل من الجمعية
طرد المصابين اصابة عمل من الجمعية
اكثر من مرة اسمع صرخات اهالي المصابين من الموظفين في الجمعية
اصابة عمل
ما يحدث بالتحديد هو ان الادارة تطلب من السائق الذي يقوم بجمع التبرعات مع المندوبين بترضية ضباط المرور حتى يستطيعوا ان يمروا مرور الكرام ويجمعوا اكبر قدر من التبرعات في النقلة الواحدة دون مخالفات متحجيجن بانها جمعية خيرية
وتكون الكارثة في النهاية هناك مصابين كثيرين من المندوبين يتعرضون لاصابات عمل
العربية بتحمل ملايين التبرعات العينية التي تذهب الى المخازن وعشان يقدروا يجمعوا اكبر كمية بيحملوا العربية فوق طاقتها
وساعات كتير بيطلبوا من المرور يعديهم بفلوس
حدث في فرع المعادي اصابات كثيرة قبل ذلك
المشكلة ان الجمعية مش بتراعيهم
وبتاكل حقوقهم رغم ان المصاب اصابة عمل خدمهم كتير
يعني الجمعية عندها استعداد تهدر الفوس عى ايجار قاعة في الاوبرا ورحلات عمرة وفنادق فخمة للقوافل اللي ممكن تتلغي اصلا- لان فيه فروع في المناطق اللي بيروحوها اصلا-
انما معندهاش استعداد انها تصرف على ناس ساعدوها
منهم قصة حماده سداد
حماده كان عنده 25 سنة
اشتغل مندوب في فرع رسالة المعادي
كان منتدب من فرع رساله المعادي لمعرض السواح
اتجوز قبل الحادثة باسبوعين ولما طلب من المديرة اجازة لكن رفضت بشكل تعسفي
يوم الحادثة -8/4/2010 -اللي حصل ان كان في 15 شاب من المندوبين واقفين قدام الباب الرئيسي للمخزن الخاص بالفرع
وبسبب الاهمال كان في عيب في مفاصل الباب لكن الادارة اهملت في اصلاحه واتعاملوا مع الموضوع بسلبيه وتبلد
وفجاة وهما عند الباب اتحرك والشباب ابتدا يجري لكن للاسف حماده الله يرحمه الباب وقع كله عليه
الموضوع مش قضية قضاء وقدر
اولا دا اهمال اداري وهل يا تري الجمعية اللي بتجمع ملايين الجنيهات شهريا مفيش معها فلوس تصلح الباب وتجيبله مفاصل جديدة
وليه مفيش حد اتحاسب ولا اتعاقب
ولا دا العادي في بلدنا!!
لما اهل حماده سداد راحوا الجمعية عشان يسالوا علي حقه طردوهم
وفي الاخر اضطروا يرفعوا قضية ومفيش فايده
اخبطوا دماغكوا في الحيط
مفيش عقاب للمهمل ولا في تعويض لاهل الموظف
بالمناسبة رقم اهل حماده الله يرحمه معانا عشان لو في حد من الصحفيين يتواصل معاه
ويعرض مشكلته
سؤالنا بقي هل دا عدل
هل في ادارة محترمة تعمل كده؟؟!!
النتيجه مفيش مهمل بيتتحاسب
مفيش تعويض لاهل المتوفي
وحتي لما حد من اهله يطلب حقهم يطروده!!
ليست هناك تعليقات:
إرسال تعليق